Afrika, Kuba eta Jamaikako erritmora ibiltzeko aukera gaur

«Kaleak okupatu eta mu­sika lau haizetara zabaltzea izango da aurtengo Kalejira Mu­sikatuaren helburua. Mu­si­ka mugimenduan eta sound system erara», azaldu dute antolatzaileek, gogora eka­rriz, maiatzaren 11n Bob Mar­leyren heriotzaren urteu­rrena dela. Kalejira Musi­katua eki­me­naren hirugarren edizioa gaur izango da eta Afrika, Kuba eta Jamaikako erritmo­ra ibiltzeko aukera izango da Tilosetan, 12:00eta­tik aurrera.

Afrikar perkusio tailerra
12:00etan, Zestoako Eneko Larrañaga Tzunye-k perku­sio tailerra emango du (bes­teak beste, Ttakunpa, Dugu­kolo eta Acoustic Glorious taldeetan aritua da). Dun-Dunak eta djembeak jotzen irakatsiko du, hau da, oinarrizko ezagutza.

Kubako janaria
Kalejira Musikatuan, musi­ka­­rekin batera, ezezaguna den kulturaren bat gertu­ra­tzen saiatzen dira, dastame­na­ren bitartez. Iaz, Gambia­ko janaria probatzeko aukera izan zen eta aurten, Kubako janaria izango da, 14:00etan.

Arratsaldean emanaldiak
Arratsaldeko 16:00etatik 19:00e­­­­­­­­ta­ra, emanaldiak izango dira: Enekora, Conga de barrio, Raul Black jiko, Randy Ganja man eta Selektah stepi. Aurreko edizioetan, bes­te­ak beste, aritu dira, Rude Kanka, Zes­tones, Jah Inity sound sys­tem, Iban Nikolai didgeri­doo, Hernaniko Sam­ba tal­dea, txalapartariak, Mix6T eta Mulambo perku­sio tal­dea, hainbat lagu­nekin batera.