Garaipen batera du Hernaniko waterpolo taldeak igoera. Gaur jokatuko du Leioan, igoera faseko bueltako partidua, eta irabaziz gero, aurreneko mailara igoko da. Partidua eguerdiko 12:30etatik aurrera izango da, eta hernaniarrek gol bateko errentarekin hasiko dute partidua.
«Partidu zaila da,
baina irabazi dezakegu»
Partidu zaila aurreikusten dute hernaniarrek, baina kontzentratuta jokatuz gero, irabazteko aukera dutela adierazi dio Miguel Angel entrenatzaileak Kronikari: «oso partidu zaila da, gure ondoan nagusi dira Leioakoak, baina badugu irabazteko aukera. Hernaniko partiduan bezain kontzentratuta jokatzen saiatuko gara».
Horrez gain, Miguel Angelek dio ezustekoa emango lukeela Hernanik irabaziz gero: «kontuan hartu behar da Leioa aurreneko mailatik datorren taldea dela, eta Hernanik bigarren mailako taldea duela. Hortaz, irabazi eta igotzea lortzen badugu, au-rreneko aldia izango litzateke».
Entrenatzaileak baita ere gogorarazi du autobusa aterako dela gaur, 10:00etan Hernanitik eta animatzera joan nahi duen guztiak izango duela joateko aukera.