Igandean hasiko da Atez Atekoa, eta azken abisuak eman ditu Ingurumen Sailak. Kontainerrak kentzen gaur bertan hasiko dira, eta horregatik, bihartik hasi beharko da janari hondakinak kubo marroiera botatzen. Gaur
kenduko dira betiko-kontainerrak, errefusarenak. Paperaren kontainerrak eta plastikoarenak (urdina eta horia), bihar gauean kenduko dira.
Ontzi marroien kodeak laster etxeetan
Zintzilikatzeko posteetan kodeak jarriko ditu Udalak laster, etxebizitza bakoitzak beti kako edo gantxo berbera ibili dezan. Ingurumen Sailak jakinarazi duenez, kode horiek laster bidaliko dira etxeetara; bitartean, bakoitzak, dagokion postea erabili behar du. Biltzaileek kuboa hartutako kakoan utziko dute.
Festa, eta Alkatearen balorazioa, igandean
Ongi etorri festa egingo zaio datorren igandean Atez Atekoari, 12:30etan, Tilosetan. Porrotxek emango dio festari hasiera, eta gero 13:00etan, Marian Beitialarrangoitiak lehen balorazioa egingo du.