«Salatu nahi dugu, Hernani, Usurbil eta Oiartzunek Gipuzkoatik isolatzeko duten irrika»

Hamaikabat alderdiak «arduragabea» iritzi zion, atez ate hondakinak biltzen hasteko erabakiari. Usurbil, Oiar­tzun eta Hernaniko Zi­ne­go­tziak izan ziren atzo Her­na­nin, Biterin, eta salatu zuten, hiru herri horiek jarrera desleiala azaldu dutela beste herriekiko, eta Gi­puz­koa­tik isolatzeko irrika dutela.
Atez Atekoak orain arte Usurbilen izan dituen da­tuak ezkutatu egin direla sa­latu zuten, eta eman diren da­tu «gutxiak», emaitza txarrak adierazten dituztela.

«5.000 tona zabor, aldameneko herrietara»
Luis Mari Ormaetxea, Xanet Arozena eta Iñaki Arratibe­lek eman zuten prentsaurrekoa, hurrenez hurren, Usur­bil, Oiartzun eta Hernaniko Hamaikabateko zinegotziek. Usurbilen, 2009ko lehenengo 6 hilabeteetan, helburua bai­no «askoz datu txarragoak» izan zirela esan zuten. «Pa­per bilketa %100 hazi nahi zuten; %11 jaitsi zen. Beira %40 hazi nahi zen; %15 hazi. Ontziak %400 nahi zen; eta %17 hazi. Organikoa helburua baino %36 gutxiago».

Horrez gain, zabor asko ondoko herrietara eramaten dela salatu zuten. «5.000 to­ne­lada zabor ondoko he­rrie­tara eramango direla kalku­la­tzen dugu, eta ondoko he­rriek ordaindu beharko dutela, noski».

«Enpresa publiko berriak zerbitzuak duplikatuko ditu»
Garbitania Zero Zabor en­pre­sa publiko berriak zerbi­tzuak duplikatuko dituela adierazi zuten, «San Markok ematen dituen zerbitzuak direlako». Herri bakoitzari suposatuko dion gastu ekonomikoa Udal Aurre­kon­tue­tan ez omen dago kontenplatua, «gehiegizkoa da, Udalen diru-kutxak dauden egoeran daudenean».

Mankomunitate berri bat sortu nahi dela esan zuten, «PIGRUGak plazaratu duen konponbide integraletik erabat kanpo dagoena»