Kantuz Eguna, festa eta urteurrena, etzi

Kantuz abesbatzak kon­tzer­tua emango du larunbatean, Milagrosan, urteroko Kan­tuz Eguna ospatuko bai­tu. Aur­ten ordea, bada berezitasun bat, 20 urte betetzen baititu Kantuzek, lehendabizikoz Hernaniko kaleak alaitu zituela. Orduko eta oraingo kide guz­tiak gonbidatu ditu abes­bat­zak, etzi, ospakizunera azaldu daitezen, eta parte hartu de­zaten, festan. «Aur­ten hogei urte betetzen ditugu, eta koruko partaide izan diren guztiak gonbidatu nahi ditugu. Oso gustoko izango genuke la­run­batean gurekin ospatzera etorriko balira».

15 kanta, eta gonbidatu bereziak: Hari Laukotea
Guztira 15 kanta eskainiko ditu abesbatzak, Milagrosan, 19:45etan hasita, eta gonbidatu gisa Anonimuss Hari Lau­ko­tea ariko da. Hiru zati izango ditu kontzertuak. Lehen­da­bizikoan abesbatzak 9 kan­ta eskainiko ditu; bigarrenean Hari Laukoteak  
2 kanta; eta hirugarrenean, denak batera, 4 kanta. Guztira, hamabost.
Kantuzek lau zuzendari izan ditu 20 urtean, eta la­run­batean eurek izango dira zuzendari:  Jaione Escu­de­ro, Javier Zubimendi, Amaia Sasian, eta Igor Arroyo.