«Istorioa pentsatu, gidoia idatzi... lan kreatiboa gustatzen zait neri»

«pelikulan desagertzen di­ren galtzak nireak dira». Hala esan dio Kronikari, Erika Elizari hernaniarrak. Gaur ikusiko dugun Nireak dira! filmak sari nagusia irabazi zuen 2009ko Kame­ra­toia lehiaketan. Egileak zortzi ziren, Blakandeker Films izeneko taldea, hain zuzen; tartean, Elizari, Ikus En­tzu­nezko karrera bu­ka­tzen ari den hernaniarra. Karrerako laugarren mailan film laburrak produzitzen hasi dira, eta mordoxka egin dituzte da­goeneko. «Lehendabizikoa egin, eta saria irabazi genuen. Lan oso polita da, baina dirudiena baino gogorragoa». Sor­tze lana gustatzen zaio Elizariri batez ere: «Istorioa pentsatu, gi­doia idatzi... lan kreatiboa gus­tatzen zait neri. Serie bat egingo nuke gustora, noizbait». Hasie­ra, behintzat, bikaina eman dio!