Enpresa publiko berria sortuko du Udalak: ‘Garbitania Zero Zabor, S.L.’

Onarpena eman dio Ple­noak proiek­tuari, eta beraz, Hernanik enpresa publikoa izango du, zaborrak bildu eta kudeatzeko, Usurbil eta Oiartzunekin batera. Enpre­sa horren zeregina izango da: «hiri hondakinak gaika bil­tzea, kudeatzea, eta tratatzea, hondakinak gutxitzeko eta ahalik eta gehien biziklatzeko». Enpresa publiko horrek 500.000 euroko kapital soziala izango du, eta Hernanik izango du partaidetzaren %49; Oiartzunek, %33 izango du; eta Usurbilek, %18. Her­nanik 245.000 euro jarriko ditu.

Horretarako, San Marko Mankomunitatetik eskumen batzuk berreskuratu ditu Udalak: 

• 1) Hiri hondakinak biltzea eta kudeatzea, eta asimilagarriak biltzea eta kudeatzea, honakoak izan ezik: beira, etxeko hondakin arrisku­tsuak, pilak eta arropa, eta poligonoetan, egurra.
  
• 2) Ta­maina haundiko hondakinak biltzea eta kudeatzea.
  
• 3) Hiri hondakinen tratatzea eta ba­lorazioa: konposta, papera eta kartoia, eta ontzi arinak.

Atzoko Plenoak hartu zuen erabakia, Gobernu Tal­deak eta Ez­ker Batuak alde bozkatuta, eta PSE-EE, EAJ, Hamaikabat, eta PPk kontra bozkatuta. yy