Urteko beste garai batzuetan egiten den bezala, Diputazioak udararako aldi baterako egonaldiak prestatu ditu adineko pertsona ezinduentzat. Egonaldietan izena emateko dokumentazioa Ongintzako bulegoetan aurkeztu beharko dute interesatuek. Eskaera egiteko orduan eskatzailearen NAN-aren fotokopia, honen familia unitatearen diru sarreren egiaztapena eta medikuaren txosten eguneratua aurkeztu behar dira, eredu ofizialeko eskaera orriaz gain.
Dokumentazioa
aurkezteko epe ezberdinak
Inskripzioa egiteko epe ezberdinak ezarri ditu Diputazioak egonaldia egin nahi den hilabetearen arabera. Horrela, aldi baterako egonaldia Uztailean egin nahi dutenek maiatzaren 14a baino lehenago aurkeztu beharko dute beharrezko dokumentazioa. Abuztuan nahiago dutenek, maiatzaren 28ra arte izango dute egonaldi hauetan izena emateko aukera. Azkenik, iraileko egonaldietan izena emateko epea ekainaren 11ra arte luzatuko da.
Plaza kopuru mugatua
Plaza kopurua mugatua denez epez kanpo aurkeztutako eskaerak, libre dauden plaza, eta plaza huts horien ezaugarrien arabera onartuko dira.
Egonaldietarako eskaera guztiak hilabete natural osorako edo hamabostaldi jakin baterako izan beharko dute.
Egonaldi hauetan parte hartzeko eskaerak eskainitako plazak baina gehiago balira, Diputazioak lehentasuna emango die urtean zehar aldi baterako egonaldirik egin ez dutenei. Gainera, eskatzaile bakoitzaren menpekotasun maila eta horrelako egitasmoetarako izaten den gizarte baremoa ere kontuan hartuko dira plazak banatzerakoan.
Azkenik, atentzio psikogeriatrikoa behar dutenek abuzturako bakarrik eskatu ahal izango dute egonaldia.
Informazio gehiago behar duenak Ongintzako bulegoetara jo dezake edota Gipuzkoako Diputazioko gizarte zerbitzuetako arreta eta sarbiderako zerbitzuan, etxean laguntza jasotzeko programan aurkituko du, 943 112 519 begin_of_the_skype_highlighting 943 112 519 end_of_the_skype_highlighting telefonoan.