Lierni Martiarena eta Xabier Segura, onenak

Bi hernaniarrek, Lierni Martiarenak eta Xabier Segurak, irabazi dute aurtengo Arabako Dantza Suelto Txapelketa. Zortzi bikote aritu ziren zein baino zein, Arabako Estibalizko Santutegian, joan den larunbatean, eta irabazleen txapela eta zapia hernaniarrentzat izan ziren. Lander Campos eta Haizea Hormaetxea bizkaitarrak lortu zuten bigarren postua. Aurten hemezortzigarren aldiz egin dute Arabako Txapelketa, gero eta ezagunagoa egiten ari dena, eta puntako bikoteak izan dira bertan: Arabako hiru, Bizkaiko bi, eta Gipuzkoako hiru.