Kaleko argiak aldatuko ditu Udalak, energia aurrezteko eta argi kontaminazioa jaisteko

Kaleko argiak aldatu egin­go ditu Udalak. Egungo arau­diek bultzatzen dute ho­rre­tara Udala, eta berehala ha­si­ko ditu lanak, Donostian edo beste herri batzuetan egiten ari diren moduan. Helburua da, energia aurreztea, eta argi kontaminazioa jaistea. Egiten den inbertsioaren %50 suben­tzionatua izango da, Renove Plana+ Eus­kadi 09-ren bidez, 2010eko ekainaren 30a baino lehen egiten bada.
Luminariak, lanparak eta bestelakoak erosteko, deialdi publikoa deitu du Udalak. Hornitzaile lanak enpresa ba­tek egingo ditu, eta kalean Udalak jarriko ditu. Kontra­tazio gastuak: 116.000 euro.

Energia aurreztu, %30 inguru
Argiak aldatzen ikusiko di­tugu beraz, laster Udale­txe­ko langileak. Gaur egun 150-250 vatioko lanparak ditugu gure kaleetan (lekuaren edo fa­ro­laren arabera gehiago edo gutxiago), eta %30 jaitsi nahi zaie indarra, gutxienez. In­da­rra jaitsi arren, modua egin behar da, ordea, kaleko argi­tasuna txukuna izan dadin, eta horretarako luminariak aldatu behar dira (farolen goiko partea). Argi-luminaria horiek ´efizienteagoak` dira; argitasun guztia behera egi­ten dute, eta ez gora (gora argi egiten duten farolak ar­gia alferrik galtzen dute).

Argi kontaminazioa behera
Beraz, laister kalee­tan iku­siko di­tugun farolek, gainean ´txa­­pela` eramango dute, er­diz gora argitasunik egin ez dezaten. Horrela argi konta­mi­nazioa ere txikiagoa da.  Gure herri eta hirie­tan, gauez gero eta argitasun gehiago daukagu (horregatik adibi­dez, gero eta zailagoa da zeru izarratu bat ondo ikustea hiri haundi batean); horri deitzen zaio argi kontaminazioa edo kon­ta­minazio luminikoa, eta hori gutxitzeko ere aldatuko dira kaleetako argiak. 

Langile ikastolaren
mozioa onartu du Plenoak
2010eko Udal Aurrekontuak hurrengo Plenora atzeratu ziren, informe batzuren faltan.
langile ikastolak aurkez­tu­tako mozioa onartu zuen os­te­gunean Plenoak, Gober­nu Tal­dea­ren eta EBren al­de­ko bo­toekin, eta beste alderdi guz­tien absten­tzioa­rekin. Mo­zioak Hernaniko ikastetxeen bate­ra­tzeari bu­ruz hitz egiten du, eta hiru puntu ditu; ba­tean, Uda­lak konpromi­soa har­tzen du, bere esku dituen bi­tar­tekoak jartzeko, admi­nis­tra­zioa­re­kin el­ka­rriz­­ke­tak abia­­tze­ko, kontua konpon­tze­ko bi­dean. Beste bi puntuak dira, api­ri­laren 15ean Gas­teizko Par­­lamen­tuak onartu zituen berberak. Hamaikabat alder­diak beste mozio bat aur­keztu zuen, gai berari buruz, eta ez zen onartu, Gobernu Tal­deak eta EBak aurka boz­ka­tu zute­lako.

Plenoko beste puntuak
2010eko Udal Aurre­kon­tuak hu­rrengo Plenoan ez­ta­bai­da­tuko dira, falta diren informe batzuk jaso eta gero.
Horrez gain, Jon An­za­ren heriotzari buruzko mo­zioa onartu zen, Go­bernu Ba­tzor­deak alde boz­katuta eta EB abstenituta, Alkatearen ka­litateko botu­arekin.
EAJk egindako eskaria,  Atez Atekoaren legalitateari bu­ruz txosten bat egiteko es­ka­tzen zuena, atzera bota zuen Plenoak.