«Hernani prest, Atez Atekorako»

Atez Ateko bilketa maia­tza­ren 9an hasiko da Her­na­nin, eta Hernani prest da­goela adierazi zuten, atzo, Marian Beitialarrangoitia Al­kateak, eta Izaskun Txin­txurreta In­gurumen Zine­go­tziak, pren­tsau­rrekoan. Her­na­ni birzi­kla­tzearen aroan sartuko dela adierazi zuten, zero zabor edo zero waste helbu­ruak lor­tzeko bidean, mun­duko beste herri ba­tzue­kin batera.
Ontzien %100 banatuak daudela adierazi zuten; zin­tzilikatzekoak jarriak; la­rrialdi guneak eraikiak... He­­­rri­tarrak ere prest dau­dela adierazi zuten, «infor­mazioa iritsi zaie, egutegiak etxean dituzte, zer nora eta noiz bota behar den ba­dakite... Hernani prest dago Atez Atekorako, eta 20.000 biztanle izanda, Her­na­nin Atez Atekoa ondo egiten ba­dugu, Atez Atekoa edo­zein herritan egin daitekeela frogatuko dugu».

31 bileretan, 1.800 lagun
Marian Beitialarrangoitia al­kateak adierazi zuenez, Hernaniko herritarrak eta az­piegiturak prest daude Atez Atekorako. Azken 9 bi­leretan jendeari gauza prak­tikoak azaldu zaizkiola esan zuten, eta herritarrek nahi­koa argi daukatela sis­tema nola den. «Guztira 31 bilera egin ditugu, eta 1.800 herritarrek hartu dute parte. Egutegiak, informazio oro­ko­rra eta abar ere etxe guztietan dago. Horrez gain, etxean konposta egiten dutenak ere 700 inguru izango dira. 17 ikastaro egin ditugu, eta kanpaina oso arrakastatsua izan da».
Azpiegiturei dagokie­nez, dena prest dagoela azaldu zuten. Ordutegira moldatu ezin duten he­rri­tarrek 6 larrialdi gune izan­go dituzte, eta denak prest daude, Antziolakoa izan ezik. Kubo guztiak banatuta daude, eta zintzilikatzeko guztiak ere bai. 9-10 langile izango dira bilketa egingo dutenak.

Lasaitasunerako deia
Herritarren kezka eta za­lan­tza guztiak argitzeko dau­dela adierazi zuten atzo pren­tsaurrekoan, eta isunak eta multak jartzea ez dela euren asmoa. «Borondate ona daukanak ez du ara­zo­rik izango. Galdetu lasai edo­zein duda. Erantzungo zaizue. Atez Ateko bulegora joan, deitu, web orrian gal­derak egin... Udalak pa­zien­tzia izango du, eta guztiok ikasiko dugu zerbait».

Pegatinak. Lasa­itasu­ne­­­rako dei egiten du Ingu­ru­men sailak. «Le­he­nen­go egu­­netan pe­ga­tinak jartzen badiz­ki­gu­te, ez la­rritu. Ez du esan nahi mul­ta dau­ka­gunik. Deitu egingo digute, eta esan, gaizki zer egin dugun».