Sindikatuek manifestazioak deitu dituzte gaurko

Langileen Nazioarteko Egunaren bueltan, deialdi ezberdinak luzatu dituzte sindikatuek, horrelako data enblematikoan, langileen eta gizartearen errebindikazioak kalera ateratzeko asmotan. Manifestazioak hiriburuetan egingo dira.

LAB Donostian 12:30etan
LAB sindikatuak Donostiako Bu­lebarrean hasiko du Do­nos­­tialdeako manifestazioa, 12:30­etan. LABen iritziz inork ez die ezer oparituko langi­leei eta premiazkoa den alda­ke­tarako, hauen borroka ezin­bestekoa da. Be­raien al­da­rrikapen ga­rran­tzitsuenen ar­tean  daude: lanaren bana­ke­tan oina­rri­tu­tako kali­tateko en­plegu estra­te­gia osoa,  euskal pentsio sis­tema pu­blikoa sortzea, eta langileek era­bakietan parte hartzea ziur­tatuko duen eredu instituz­io­nala.

ELA Bilbon 11:30etan
ELA sindikatuak Bilbon egin du hitzordua goizeko 11:30­etan, gizarte eta ekonomi eredu berri baten alde. Beraien ustez patronala, banketxeak eta gobernu ezberdinak dira gaur eguneko krisiaren eran­tzule nagusiak, eta diote, horien kontrako borroka sin­di­kala inoiz baino beharrez­koa­goa dela.

UGT eta CCOO hiriburu guztietan elkarrekin
UGT eta CCOO-k eguerdian hasiko dute beraien Donos­tiako manifestazioa Alderdi Ederren. Beraien aldarri­kapen garrantzitsuenak dira gi­zarte pres­tazioen eta pen­tsioen sistema ber­matzea, es­ku­bideak defen­ditzen dituen en­ple­gua sor­tzea, eta finantza sis­­temaren erreforma.    Na­zio­ar­teko Konfederazio Sin­di­kalaren (CSI) aldarri­ka­pe­nekin bat egiten dute, Eu­ropa so­zialaren eta langileen es­kubideen alde.

STEE-EILAS Bilbon
eta Iruñean
STEE-EILASek hezkuntza eta gizarte eredu berri bat al­darrikatuko du Bilbon 12:00­etan, eta Iruñean 12:30etan.