Punta-puntako eskaintza

Hernani Institutuan, Ba­txilergoa emateaz gain, Lanbide Heziketako Erdi eta Goi Mailako zikloak daude aukeran, DBHko titulua ate­ra duten ikasleentzat. Eta Kon­txi Urnieta zuzendariak azaldutakoaren arabera,  LOE Legea dela eta, eskain­tza zabaldu egingo da aurten. «Lanbide Heziketan, Erdi Mailako zikloetan, orain arte Mekanizazioa eta Instalazio elektriko eta automatikoak eskaini ditugu. Orain, Tele­komunikazio instalazioak ere badauzkagu. Ziklo hau, lau ikastetxetan bakarrik izango da Euskal Autonomia Erki­degoan: bi Bizkaian eta bi Gipuzkoan. Arrakasta daukan zikloa da eta guretzat oso erakargarria da».
Goi Mailako zikloetan,  b­e­rriz, lehen Proiektu Meka­ni­ko­en Garapena eta Insta­la­zio Elek­­troteknikoak zi­tuz­ten. Ora­in, LOErekin, Proiektu Me­ka­ni­koen Garapenak, Fa­bri­kazio Me­kani­ko­ko Disei­nua izena har­­tuko du. «Ira­kas­gai batzuk ber­­­dinak dira, beste batzuk aldatu dira, bai­na orokorrean zi­kloa oso an­tzekoa da», azaldu du Urnie­tak. Gai­ne­ratu du LOErekin zenbait al­daketa izan­go direla, baina orokorrean antzeko funtzionamendua izan­­­go de­la: bi urteko iraupena, praktikak enpresetan, atzerrira joateko aukera... Aurrema­tri­ku­­la­­zioa  laster: maiatzak 31­-ekainak 11, biak barne.

Lanbide Hastapena,
«aukera paregabea»
Hernani Institutuan programa berri bat jarriko da mar­txan ikasturte honetan: Lan­bi­de Hastapena (PCPI). DBHko titulurik atera ez duten ikasleei zuzendutako ikastaro bereziak dira. «Helburua da ikasle horiei erantzun bat ematea eta lan mundura bideratzea. Eta baita ere, aukera ematea DBHko titulua lortzeko, beste irakasgai batzuk emanda; hau da, euskera, gaztelania, matematika eta horrelakoak. Erdi Mailako ziklo bat edo batxilergoa egiteko aukera izango lukete horrela. Normalean gutxi dira gero titulua atera­tzen dutenak, eta ateratzen dutenek Erdi Mailako ziklo bat egiten dute. Baina aukera bat da; aukera paregabea», dio Urnietak.
Bi ikastaro izango dira: Mekanizazioko Langilea eta Etxeko Jardunetako eta Men­deko Pertsonentzako Oina­­rrizko Zaintzatako La­gun­tzailea.

«Herri mailan eskaintza oso ona»
Institutuak, besteak beste, apar­­­­teko formakuntzaren ba­rru­an, Heziketa Zikloak hi­ru ur­tetan  atera­tze­ko aukera ere eskaintzen du arratsaldez. «Ho­­rre­la herri mailan geratzen den es­kaintza oso oso ona da. Eran­tzuna ematen diezu DBHko titulurik ez dutenei eta daukatenentzat dauzkazu Ba­txi­lergoa eta zikloak. Eta ziklo batetik bestera pasatzeko au­ke­ra ere bai sarbide probarekin. Erdi Mailatik Goi Mailara eta Goi Mailatik unibertsitatera, selektibitaterik gabe», dio Urnietak. Eta horretarako ere klaseak ematen dituzte arratsaldetan.