Buruntzaldea osatzen duten sei Udalek, hau da, Hernani, Andoain, Astigarraga, Lasarte-Oria, Urnieta eta Usurbilek, kanpaina berri bat jarri dute martxan lan munduan euskera bultzatzeko. Ezetz Asmatu bost gezur borobilak joko interaktiboa, hain zuzen. Euskera Zerbitzuetako ordezkariek azaldu dutenez, joko honen bidez, Hizkuntza-kudeaketaren onurak herritarrei modu alaian erakutsi nahi dizkiete.
Saria: euskera erabili eta
aberasteko joko bat
Buruntzaldeko herrietako toki ezberdinetan, hala nola, industriguneetan, ikastetxeetan, euskaltegietan, sindikatuetan eta euskera elkarteetan parte hartzeko fitxak egongo dira, 5 gezurrak asmatu eta zozketan parte hartu izenekoak. Parte hartzaileak maiatzaren 27ra arte izango du aukera fitxa bete eta herri bakoitzeko Euskera Zerbitzuan entregatzeko. Bakoitzak, erantzunaz gain, izen-abizena, eta harremanetarako telefonoa eman beharko ditu fitxan.
Sariari dagokionez, euskera erabili eta aberasteko joko bat banatuko da herri bakoitzeko asmatzaileen artean. Maiatzaren 28an aukeratuko dira saridunak. Ondoren, telefonoz deituko zaie, irabazi dutela jakinarazteko, eta saria noiz eta non emango zaien gogorarazteko. Antolatzaileek parte hartzera animatzen dituzte herritarrak.