Euskal Unibertsitatea aldarrikatzeko eguna Hernanin izango da maiatzaren 8an

«Euskal Unibertsitatea he­rri proiektu gisa irudikatzen ge­nu­­en eta irudikatzen du­gu. He­rriaren beharrei eta garapenari erantzungo dion uniber­tsitate propio bat he­rritik jaio behar du, herriaren bultzadaz eta he­rriaren indarraz», azaldu zuen atzo pren­tsaurrean Eus­kal He­rri­ak Bere Eskola herri mugi­men­duak, eta hori horrela, Eus­kal Uni­bertsoa ekimena herrira­tzeko apustua egin du aurten.
Aurre­ko bost urteetan uni­ber­tsitateetako Campusetan egin izan dute Euskal Uniber­tsitatea aldarrikatzeko eguna. Aurten, Euskal Uni­bertsoa ‘10 Her­nanin izan­go da, maiatzaren 8an, larunbata. Herri jakintza nahi dugu eta jakintza herriarentzat nahi leloarekin.

Euskera, Herritartasuna, Ikerkuntza eta
Parekidetasuna oinarri
EHBEk Euskal Unibertsitateari jartzen dizkion ezaugarriak za­­baldu nahi ditu: «Unibertsi­ta­te nazionala, euskalduna, he­rrita­rra, parte hartzailea eta demo­kra­tikoa, hezkidetzailea eta Eus­kal Herriaren beharrei eta gara­pe­nari erantzungo diona». Eta bes­te urteetan bezala, Euskal Uni­bertsita­tearen irudikapena eta aldarrikapena egiteaz gain, haren aldeko masa soziala aktibatzea dute helburu. Baina ho­rrez gain, beste elementu batzuk hartuko dituzte oinarri aurten:
Alde batetik, Euskal Elea­niz­ta­suna Hezkuntzan, hau da, lan­duko dute euskera ardatz eta enbor izango duten ikasle eus­kaldun eleanitzak sortzeko prozesua. Bestetik, Herritarta­su­­na­ri garrantzi berezia eman­go diote aurten, eta aurrez esan bezala, egitasmoa herriratuko dute. Horrez gain, ikerkuntzak nazio garapenean duen ga­rran­tzia ere aintzat hartuko dute. Eta azkenik, parekidetasuna landuko dute.

Egun osoko ekimena
Euskal Unibertsoa ekimena 09:00etan hasiko da Langile Ikastolako Santa Barbara ikastetxean. Harrera eta matrikulazioa egin ondoren, aipatutako lau bloke horietan banatuko dira eta bloke bakoitzean bi saio izango dira (09:30-11:00 eta 11:30-13:00); eta tartean, hamaiketakoa. 13:30etan ekitaldia izango da Tilosetan eta ondoren, kantu bazkaria. Txartelak bertan izango dira salgai 10 euroan.
Antolatzaileek deia luza­tzen diete parte hartzeko, Euskal Unibertsitatearen al­de­ko herritar guztiei.