Kalitatea seguru, Aizpuru farmazian

Latsunbeberri auzoan da­goen Aizpuru farmaziak kalitatea ziurtatzen duen ISO ziur­tagiria jaso berri du; zehaz­ki, martxoaren 12an. AENORen eskutik ISO 9001:2000 ziurtagiria jaso du  eta «ziurtagiri ho­rrek bezeroari berma­tzen dio ahalik eta zerbitzu profesional onena jasotzea farmaziaren al­detik, bai sendagai eta baita pro­duktu farmazeutikoei da­go­­­­­kienez», azaldu du Karmele Aizpuru farmaziako nagusiak.
Eta gaineratu du: «ziurtagiri hori jasotzea azken urteetan egindako lanaren emai­tza izan da eta egiaztatzen du farmazia honetako farmazialari guztiek beren zereginean hobe­tzen joateko hartu duten konpromisoa».

Prozesuak errebisatu eta optimizatu
Aizpururen esanetan, proi­ek­­tu honek aukera eman du prozesuak errebisatu eta op­timizatzeko, eskaintzen di­tuz­ten zerbitzuak etengabe hobetzen joateko. «Guztia errebisatu egin da akats gu­txiago egiteko asmoz eta zergatik sortzen diren akats ho­riek ere jakiteko. Errebisatu dira stocka, sendagaien kaduzitatea, enkarguak... Horrez gain, prozesu honen bidez bezeroak zerk asetzen dituen, zer behar du­ten edo zer espero duten jakiten ahalegindu gara. Horre­ga­tik, helburu nagusia ez da ziurtagiria lortzea bera, baizik eta etengabe hobetzen joateko oinarriak ezartzea».

Bezeroen proposamenak
«Gestio eredu honek bul­tzatzen du ahalik eta  lan onena egitea kalitatearen estandarrak garatzeko eta mantentzeko. Eta horrela, bezeroek espero dutena ase­tzeko. Beraz, gure bezeroak animatu nahi ditugu proposamenak egiten jarraitzeko, horiek derrigortu egingo baikaituzte norabide berean lanean ari­tzera», dio Aizpuruk.