correos-etan, grebak eta manifestazioak izango dira aste honetan, Espainiar Estatuan. Gipuzkoako herrietan, tartean Hernanin, ostegunerako deitu dute mobilizazio eguna. Goizeko 11:00etatik 17:00etara greba egingo dute posta zerbitzuan eta manifestazioa ere izango da Donostian. 13:00etan abiatuko dira Urdaneta kalean dagoen Correos-eko Bulego Nagusitik.
Mobilizazioak CGT, CCOO, CSIF, SL, ESK eta STA-I sindikatuek deitu dituzte, hau da, sektore horretako %70 baino gehiago duen ordezkaritza sindikalak. Azaldu dute mobilizazioak egitearen arrazoia Madrilgo Gobernuaren borondate falta dela, «Posta Zerbitzu Publiko bat eta 65.000 lanpostuak bermatzeko Europako direktibak 2011 urterako ezartzea aurreikusten duen Posta Liberalizazioaren aurrean». Sindikatuek moratoria bat (epea luzatzea) eskatzen dute eta lan baldintza duinak sektoreko langileentzat. Mobilizazioak martxoan hasi ziren eta ekainera bitarte luzatuko direla azaldu dute.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!