Bultza Hernani, inoiz baino gogorrago!

Hernaniko errugbi elkarteak denboraldiko eta azken urteetako zitarik garrantzi­tsuena izango du gaurkoan. Igoera Playoffeko itzulerako partidua jokatuko da Lan­daren eguerditik aurrera eta hernaniarrek 5 puntuko al­de­ari buelta eman beharko diote datorren urtean Oho­rezko Mailan jokatu nahi badute.

Joaneko partida Valen­tzian jokatu zuten lehe­ngo igandean eta hernaniarrek ezin izan zuten ga­rai­pena lortu. CAU Valen­tziak irabazi zuen 18-13ko emaitzarekin baina 5 puntuko alde horri Landaren buelta emateaz seguru daude. Taldean konfiantza osoa dute klubean eta Landaren sortuko den giroarekin Hernani Oho­rezko Mailako talde berria  ­­iz­an daiteke igande arratsalde­an.

Valentzian, lehenengo zatian, Hernani CAU baina gehiago izan zen eta markagailuan aurretik iritsi ziren atsedenaldira Genuak eta Bolik lortutako entsaioei esker. CAU taldeak, halere, ideiak oso garbi zituen eta bere jokoa egiten jarraitu zuen. Hankaren bidez baloia Hernaniren zelaian manten­tzen saiatzen ziren hernaniarren faltak probokatu na­hian. Honen bidez hainbat zigor kolpe lortu zituzten eta Edu Sorribes Valentziarren jokalari onenak 6 aldiz asmatu zuen baloia makil hartean pasatzen. Horrela lortu zituen CAUek bere puntu guztiak. Azkenean Iraitzek transformatutako zigor kolpeak utzi zuen markagailua bukaerako 18-13 horretan eta Hernani itzulerako partidarako esperatza mantentzea ahal­­bidetu zuen.

Genua eta Boli duda
azken momenturaino
Gaurko partidua emozioz eta tentsioz beterikoa izango dela argi dute hernaniko taldean. Genua eta Boli taldeak pilatzen dituen baja multzora gehitu daitezke baina oraindik ez da segurua. Boli, joaneko partidan amonestazioa jaso zuen eta aurretik zeuzkanengatik san­tzionatua dago gaurko partidarako. Her­na­nitik errekur­tsoa bidali dute federaziora baina ez dute uste kasu askorik egingo dietenik. Ge­nua, be­rriz, lesionaturik dago. Sor­baldak nahi baino buruhauste gehiago sortu dizkio denboraldi honetan baina aste honetan pixkanaka  entrenatzen hasi da taldearekin eta agian gaur jokatzeko prest izango da.

Erritmoa kontrolatzea eta zigor kolpeak, klabeak
Partida irabazteko eta playoffari buelta emateko klabea Hernaniren joko erritmoa inposatzea dela uste dute taldeko entrenatzaile eta arduradunek.
Valen­tziarrek zihur aski ez dute asko aldatuko joka­tzeko modua eta igoera Sorri­besek zigor kolpeak trans­forma­tzeko duen abilezian oin­­arrituko dute. Ondo­rioz her­­na­­niarrek de­fentsan be­reziki kontzentraturik egon beharko dute eta ahalik eta infrakzio gutxien egin be­harko dituzte.

Beraz, errugbyzale hernaniarrek galdu ezin duten zita izango da Landarekoa. Zorte pixka batekin Herna­niko errugbi elkarteak 1987an galdutako maila be­rres­­­kuratzen ikusteko aukera izango dute.