Laugarren urtez jarraian, ikastaroa antolatu dute ezindutako adinduak etxean dituzten familentzat. Ikastaroa Ingema Fundazioak eta Gipuzkoako Foru Aldundiak antolatzen du, elkarlanean.
Aurtengo ikastaroaren izenburua da Norberaren zaintza: zaintzeko zaindu zaitez. Bertan, familiarrei erakutsiko diete psikologiko prestatzen ezindutako adinduak zaintzeko. Erakutsiko dute egoerari psikologikoki aurre egiten, zein estrategia erabili, zaintzan izaten diren zailtasunak bideratzen eta abar.
Ikastaroa datorren astean
Ikastaroak astebeteko iraupena du, eta datorren aste osoan emango da, hau da, apirilaren 26tik 30era. Ikastaroa Biteri kultur etxean izango da, arratsaldez, 15:00etatik 17:00etara.
Izena eman nahi duten familiarrek Hernaniko Osasun eta Ongintzarako Udal Patronatura deitu behar dute, 943 557 854 telefonora.
Horrez gain, Ongintzako Patronatuak jakinarazi du ikastaroaren berri ematen duen gutuna bidali dietela adineko pertsonak zaintzen dituzten senitartekoei.