«Obrak ikusita, dema ziurtatua dago»

Asteburuan, txistu doinua nagusituko da Herna­nin; izan ere, VIgarren Txis­tulari Jaial­dia izango da la­run­bat eta igan­dean. Larun­batean Her­na­niko VI Txis­tu­lari Gazteen Txapelketa jokatuko da eta an­tolatzaileen esanetan, aurkeztu dituzten obrak ikusita, dema ziur­tatua dago, kalitatezko entzunaldiez gain. Igandean Txis­­tularien Topaketa izango da eta herriko kale eta plazak girotzen ibiliko dira.

Hiru mailatan, 23 bakarlari eta 6 talde
Jaialdiko ekitaldi nagusia, ziu­­rrenik, larunbatean joka­tu­ko den Txistulari Gazteen Txapel­keta izango dela azaldu dute antolatzaileek, urte gutxi hauetan Euskal Herri­ko txistulari gazteentzako erre­­ferentzia bi­la­ka­tu baita. Denera, 23 bakarlari eta 6 talde lehiatuko dira. Goi­zean, 11:30etan hasita, A ka­te­go­rian (12 urte artekoak) 11 ba­kar­lari izango dira eta B ka­te­go­rian (13-16 bitartekoak) 12; arra­tsaldeko 17:00etan, D ka­te­go­rian berriz, taldeetan egin­­go dute lana, eta 6 talde izan­go di­ra. Gasteiz, Iruña, Az­peitia, Do­nos­tia, Arrasate, Irun, Zestoa eta Hernaniko txis­tulariak izango dira bertan. 18:15etan sari banaketa izango da.

Igandean Topaketa
Igandean Txistularien Topa­ke­ta izango da egun osoan. 10:00etan Dia­nak izango dira Kaxkoan eta inguruko auzoetan, 12:30e­tan dantzaldia Plaza Berrin (eguraldi txarrarekin, Udaletxeko arkupetan), eta 14:00etan herri bazkaria, Santa Bar­bara el­kar­tean. Jaialdia bukatzeko, kalejira eta dantza soinuak izango dira herriko kale eta plazatan.