Arkitektoentzat ideia lehiaketa antolatu du Udalak, Kultur Guneak nolako eraikuntza behar duen erabakitzeko. Proiektua aurkezteko beharrezkoa da arkitekto titulua izatea, eta bakarka edo taldeka aurkeztu daiteke, maiatzaren 14a baino lehen, Udal Kontratazio eta Ondare Sailean.
Kultur Gunea, azaroan
erabakitako proiektua
Kultur Gunea egitea, joan den urtean erabaki zuen Udalak, azaroan, herri kontsulta egin eta gero. Eraikuntza horrek kontenplatu behar ditu: musika eskola, kultur etxea, arte eszenikoen arloa, aparkalekua, eta abar... Eta erabakita dago, zehatz, non egingo den: Latsunben, LH-8.6 lur zatian.
Sari nagusia, 18.000 euro
Lau sari izango dira, epaimahaiak aukeratzen dituen lanentzat. Sari nagusia 18.000 eurokoa izango da; eta hiru sari txikiago, 6.000 eurokoak, interesgarri jotzen diren hiru lanentzat.
Lehiaketari buruzko informazio gehiago, Urbieta kopiak dendan (Urbieta kalea 7 - telefonoa: 943 333 166).