hamaikabat alderdiak salatu du, iruzurra izango litzatekeela, Atez Ateko kuboak herritarrei 60 euro kobratzea. «Zurrumurruek diote, apirilaren 16tik aurrera kuboa jasotzen dutenei 60 euro kobratuko diotela, eta hori ez litzateke legezkoa; iruzurra litzateke». Udal Ordenantzek ez diote baimenik ematen Udalari kuboak kobratzeko, Hamaikabaten esanetan, eta informazio hori Atez Ateko informazio bulegotik zabaldu badute, iruzurra Udalak bultzatutakoa eta zabaldutakoa litzateke.
Interbentzio Departamenduaren esku
Iñaki Arratibel, Hamaikabat alderdiko zinegotziak adierazi du, Udalak ezin duela dirurik kobratu, aurretik ez badago Ordenantzetan hala jarria eta aprobatua. «Hamaikabat alderdiak Interbentzio Departamenduari jakinarazi dio kontua, neurriak hartu ditzan, ilegalitate honen aurrean».
Arratibelek dio, kuboak kobratzeko mehatxua beste adibide bat dela, Udal agintarien botere gehiegikeria konfirmatzen duena. «Ilegalitatea eta irregulartasunak izugarri dira, eta horrek agerian uzten du, Atez Atekoa aurrera ateratzeko Udal arduradunak egoskorkeriz ari direla».
Aurkeztu ditugun errekurtsoei esker, Justizia Epaitegien eskutan dago Atez Atekoa, eta haiek erabakiko dute legezkoa den ala ez. Momentuz Usurbilgo konpostadora planta egitea gelditu dute».