OIER Mendizabal eta Mikel Beroiz jo ta su ariko dira datorren ostiralean, Hernaniko kiroldegian. Bigarren mailako txapelketan ari dira bi pelotariak, final laurdenetako ligilan, eta biek behar dute garaipena, kosta ahala kosta, lehenengo partidua galduta baitaude. Mendizabal IIa zuzenean ikusteko aukera izango dute, beraz, ostiralean, hernaniarrek. Lan gogorra izango du Mendizabal IIak, iazko bigarren mailako txapelduna baita Beroiz, eta aurten binakako txapelketan oso maila onean aritu dena.
Bi partiduko jaialdia, 22:00etan hasita
Jaialdia gaueko 22:00etan hasiko da, eta lehendabiziko partiduan binaka ariko dira, Olaetxea eta Oteiza, Mendizabal eta Argoteren kontra.
Sarrerak salgai daude Oindin eta Aralarren, 12 euroan. Ostiralean bertan ere, salduko dituzte, frontoiko takillan, 15 euroan.
Horrez gain, Hernaniko Kronikak 4 sarrera zozketatuko ditu Dobera-Kronikako bazkide guztien artean.