Egun nagusia gaur Dantzari Festan

dantzari Festako egun na­gusia gaur izango da, egita­rauari begiratzea besterik ez da­go. Goizeko 11:00etan ha­sita, kalejira izango da herriko ka­leetan barrena, eta ondoren, dan­tza ekitaldi nagusiari eman­go zaio hasiera. Her­na­-niko au­zo eta kaleetan barrena, Euskal Herriko hainbat txo­kotatik eto­rritako dantza tal­deen ema­naldiak izango dira. Gipuz­koakoak: Hernaniko Ttar­la; Donos­tiako Eskola, Goizaldi eta Trebeska; Añor­gako Ar­kaitz; eta Irungo Egoi­par Mea­ka eta Kemen. Ara­bakoa: Gas­teiz­ko Adurtza. Biz­kaiakoa: Ses­taoko Arrizku­garria. Nafa­rroa Garaiakoa: Atarrabiako Mike­laitz. Nafa­rroa Beherakoa: Doni­bane Garaziko Garaz­ta­rrak. Lapur­dikoak: Donibane Lohitzu­neko Begiraleak eta Hen­daiako Mutxiko. Zuberoa­koa: Muskildiko taldea. Osiñaga auzoan, Sestaoko Arrizkugarri taldearen ema­nal­dia izango da 11:45etan Borda Berriko atarian eta auzo elkar­teak gonbidapena luzatu die herritarrei.

Eguerdian Ikurriñaren dantza
Ohi bezala, dantza ekitaldia bukatzeko, etorritako talde guztien artean Ikurriñaren dan­tza dantzatuko dute Gudarien Pla­zan, 13:30e­tan. Ondoren, dan­­tza­ri eta soinujoleek bazka­ria izango dute Atsegindegin. Eguna bukatzeko erromeria izango da 18:00etatik aurrera, kaleetan barrena.