AMURRAIN arrantza txapelketa antolatu dute Txantxangorri elkarteko kideek, urteroko legez. Aurten bi txapelketa izango dira, adin tarte ezberdinetan banatuta, eta biak bihar jokatuko dira, Urumea ibaian.
14 urte bitartekoentzako
txapelketa
Txapelketetako bat hamalau urte bitarteko umeentzako antolatu dute. Txapelketa Urumea ibaian izango da, Landare zelaiaren inguruan. Txantxangorritik adierazi dutenez, aldez aurretik askatuko dituzte amurrainak, arco-iris espeziekoak.
40garren amurrain
txapelketa
Umeentzako txapelketaz gain, helduena ere izango da bihar Urumea ibaian. 40 urte daramazki Txantxangorri elkarteak helduentzako amurrain txapelketa antolatzen.
Txapelketa honetan 15 urtetik gorakoek hartu dezakete parte eta Urumea osoan izango da arrantza egiteko aukera, umeentzako arrantza eremuan izan ezik. Txapelketan aurrena geratzen den bazkideak urdaiazpikoa jasoko du sari.
Ordutegia
Bi txapelketak goizeko 09:00etatik eguerdiko 13:00etara jokatuko dira.