Urteroko hitzorduari hutsik egin gabe, dantzak protagonismoa hartuko du Hernanin, bihartik aurrera; izan ere, Dantzari Festa hasiko da. Astebete iraungo du festak eta iraun bitartean egunero izango dira dantza emanaldi, erakusketa, kalejira eta erromeriak. Hitzaldi bat ere izango da.
Bihar, Ttarla dantza taldeko txikienek emango diote hasiera festari. 12:30etan hasita Kaxkoko kaleetan barrena ibiliko dira (euria eginez gero, Atsegindegin). Arratsaldeko 17:00etan ere beste saio bat egingo dute herriko txikiek, eta ondoren, Gipuzkoako beste bost dantza talderen emanaldia ere izango da. Lehenengo eguna ondo bukatzeko, 19:30etan erromeria izango da Gasteizko Adurtza txistulari taldearen eskutik, herriko kaleetan barrena.
Etzi, egun haundia
Igandean, kalejirarekin hasiko da eguna, eta hortik aurrera, Euskal Herriko txoko askotako dantza taldeen emanaldiaz gozatzeko aukera izango da. Ondoren, guztiek Ikurriñaren dantza dantzatuko dute Plazan, eta bukatzean, dantzari eta soinujoleek bazkaria izango dute Atsegindegin. Arratsaldeko 18:00etan erromeria izango da. Osiñagan ere igandean ospatuko dute Dantzari Festa. Borda Berriko atarian, Sestaoko Arrizkugarri dantza taldearen emanaldia izango da 11:45etan.
Azken emanaldirako
sarrerak salgai
Apirilaren 24an, azken egunean, Burrunka dantza taldearen emanaldia izango da Biterin, 20:00etan, eta sarrerak salgai daude bertan 5 euroan. Miguel Lujanbiok ere baditu.
Dantza emanaldi ugari asteburuan, festari ekiteko
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!