hirugarren kontzertua eskainiko dute bihar, Hernaniko musika eskolako ikasle ohiek, 25garren urteurrena ospatzeko egiten ari diren kontzertuen barruan. Euskal instrumentuek hartuko dute bihar protagonismoa, lehen musika klasikoa eta modernoa izan ziren bezala. Hernaniko dultzaineroek bost kanta joko dituzte, Oreka Tx taldeak beste bost, eta kontzertuari bukaera emateko, sei musikarik zazpi kanta joko dituzte, intrumentuak nahastuta. Kontzertua arratsaldeko 18:30etan hasiko da Biterin.
Dultzaina, txalaparta eta ‘pupurria’ Kontzertuak hiru zati izango ditu. Iñaki Eguren, Haritz Ezeiza eta Ander Barrenetxea dultzaineroek emango diote hasiera kontzertuari, sei kantarekin. Jarraian Oreka Tx taldeak bost kanta joko ditu; Arkaitz Martinez de San Vicente eta Mikel Ugarte ariko dira biharkoan. Bukaera zazpi kantarekin emango diote sei musikarik, intrumentu ezberdinekin; lehen aritu diren Eguren, Ezeiza eta Barrenetxea, eta Ane Errege Belda, Joseba Aldasoro eta Miriam Fernandez.