Urteroko ohiturari hutsik egin gabe, Hernaniko Udal Kirol Patronatuak pala eta squash txapelketak antolatu ditu. Txapelketetan parte hartu nahi dutenei jakinarazi die izena emateko epea zabalik dagoela, eta aukera datorren astera arte izango dela. Informazio gehiago nahi izanez gero, 943 55 21 85 telefonora deitu behar da.
Pala txapelketak
Pala txapelketari dagokionez, gizonezkoena hamalaugarren edizia izango da aurtengoa, eta emakumezoena hirugarrena.
Gizonezkoen pala txapelketan parte hartu dezakete Hernanin bizi direnek edota kiroldegiko bazkide direnek. Izena emateko aukera datorren asteko asteartera arte izango da, hilak 20.
Emakumezko txapelketan parte hartzeko baldintzak ere berdinak dira, eta hauek izena apirilaren 23ra arte eman ahal izango dute.
15garren squash txapelketa
Squash txapelketa berriz, palakoa baino lehenago hasi zen, eta aurtengoa 15garren edizioa izango da.
Squash txapelketa, baita ere, hernaniarrei edota kiroldegiko bazkideei dago zuzendua. Jakinarazi dutenez, hasiera batean behintzat, txapelketa bakarra jokatuko litzateke, emakume eta gizonezkoen artean. Hala ere, adierazi dute, behar adina partehartzaile bilduko balira, bi txapelketa antolatuko lituzketela: bata gizonezkoena, eta bestea emakumezkoena.
Izen emateko aukerari dagokionez, epea apirilaren 20ra arte izango da zabalik.