Hhernaniko Amnistiaren Aldeko Mugimenduak antolatuta, Irekialdia izango da ostiraletik larunbatera, Hernanin, euskal preso politikoen borrokaldiari babesa eta elkartasuna emateko. Orain arte hilabetero, itxialdia egin dute presoen borrokaldiarekin bat eginda, eta hilabete honetan Irekialdia izango da; izan ere, leku ireki batean egingo da (zehazteko dago lekua).
Donibane Lohitzunera
joateko deia
Larunbaterako manifestazioa deitu du Jon Anza Kolektiboak Donibane Lohitzunen, Egia nahi dugu, zer egin duzue Jonekin? lemapean. 17:00etan izango da eta Irekialdia amaitzean, larunbatean 14:00etan, autobusa abiatuko da Hernanitik. AAMk dei egin du bertara joatera animatzeko. Autobusean joateko Garinen eman behar da izena.