«Salatu nahi dugu aurrekontua atzerapenarekin aurkeztu dutela eta errealitatea kontuan hartu gabe»

eaj-PNV alderdiak prentsa ohar bidez bere desadostasuna azaldu du Gobernu Tal­deak Udalerako eta Patro­na­tue­ta­ra­ko aurkeztu duen aurre­­kon­tua dela eta, eta salatu du, hiru hilabeteko atzerapenarekin aur­­­keztu duela eta aurrekontu horiek ez dutela kontuan har­tzen herriaren errealitatea. «Kirol Patronaturako aurre­­­­kon­tuari dagokionez, Gobernu Talde honek argi utzi du gure herriko kirol eta errealitatearekiko interes falta. Horregatik eskatu dugu azterketa bat egiteko. Ongintza Patronatuari da­­­­­­­go­­­kionez, ez da kontuan har­­tzen dirurik Zaharren Egoi­tza berria egokitzeko, ezta etxebizitza sozialak eta pisu tutelatuak ere. Eskatzen dugu helburu horretarako diru zati bat bideratzea. Horrez gain, deigarriena da, Udalerako aurrekontuan ez de­la ageri kosturik Atez Ateko bilketako langileei dagokiona (Uda­­la­ren menpe dagoen bi­tar­tean) eta etorkizunean ardura ho­ri izango duen enpresari zu­zenduko zaiona ez da erreala. Es­katzen dugu datu errealak azal­tzeko». Baita ere salatu du «Alka­teak egindako konpetentzien usurpazioa; Plenoaren gainetik eta Patronatuetako lehendakari eta zuzendaritzaren gainetik atribuzioak beregain hartu ditu hiru dekretazoren bidez, langile batzuen lan baldintzak alda­tzeko. Guk ez dugu sinesten botere guztia beraientzat nahi duten horiengan eta eskatzen dugu erres­­petatzeko dekretazoaren aurreko langile horien lan baldintzak».