Hernaniko Udalak hondakinen eskumenak berreskuratu ditu San Marko mankomunitatetik, eta Hamaikabat udal taldeak dioenez, erabaki hori ilegala da. H1 alderdiak prentsa oharrean dioenez, «San Markok ezin dizkio Hernaniri konpetentzia batzuk bueltatu, estatutuetan aurrez jarritako tramiteak ez dituelako betetzen». Iñaki Arratibel H1 taldeko zinegotziak adierazi du, San Markoko estatutuak aldatuta bakarrik berreskuratu ditzakeela Hernanik eskumenak San Markotik. «San Markoko estatutuek ez dute aukerarik ematen lehen emandako ‘eskumen batzuk’ berreskuratzeko, eta horretarako beharrezkoa izango litzateke mankomunitateko estatutuak aldatzea».
«Gestio irregularrari frenua jarri nahi diogu, hori da gure asmoa»
Iñaki Arratibelen iritziz, orain arte Udalak hartutako erabakiak Atez Atekoa martxan jartzeko, oinarritzen dira, konpetentzia horiek berreskuratzean. «Erabaki horiek dira hain zuzen ere, errekurritu ditugunak eta auzitegietan daudenak».
Arratibelek adierazi du, Astigarraga eta Errenteriako Udalek aurkeztutako errekurtsoekin bat egin dutela eta auzitegietara joan direla, «kudeaketa ilegalari» frenoa jartzeagatik. «Guk, horrekin hernaniarren eskubideak defendatu nahi ditugu, eta frenua jarri nahi diogu mankomunitateko egungo agintariak egiten ari diren kudeaketa ilegalari», dio, Arratibelek. yy