Victor Goikoetxea artista hernaniarrak geroz eta oihartzun haundiagoa du Euskal Herrian, eta munduan zehar; hala nola Estatu Batuetan eta Europan. Oraingoan Versalleseko erakusketan jarri du murala, bertan izaten ari den pintura muralen saloi internazionalean. Goikoetxea gonbidatu berezia izan da nazioartean zabalkunde haundia duen erakusketa honetan, egun trompe I´oeil estilo eta mugimenduaren barruan, oso ezaguna baita artista hernaniarra.
Pentol kimika enpresarako egindako murala
Goikoetxeak Versallesera eraman duen murala Kataluniako Pentol kimika enpresak enkargatuta egin zuen. Muralak 9 metroko zabalera du, eta brontzezko bi estatua ere baditu. Enpresak brontzea, kobrea eta burdina saltzen ditu, eta Goikoetxeak murala material horien inguruan egin du. Muralean isladatu du material horiek historian zehar izan du-ten garapena, arkitektura eta estruktura aldetik.
Lehendik ere gonbidatua
Versallesekoa ez da artista hernaniarrak jaso duen gonbidapen bakarra. Orain bi urte Chicagoko erakusketan izan zen, eta joan den urtean Italiara gonbidatu zuten, nahiz eta joaterik izan ez.