Kick Boxing Txapelketa jokatuko da gaur Hernaniko kiroldegian, Kuraia fight EH KickBoxing Taldeak antolatuta. Kirol hau gustoko duenak ikuskizun ederrez gozatzeko aukera izango du gaurkoan, puntako 70 boxeolari inguruk hartuko baitute parte txapelketan. Gainera, egun osoko txapelketa izango da, hasi goizeko 11:00etan eta gaueko 22:00ak arte luzatuko da. Tartean, eguerdi partean, atsedenaldia izango da.
Sarrerak salgai kiroldegian
Txapelketa ikusteko sarrerak salgai egongo dira kiroldegian bertan. Bi preziotan egongo dira salgai: gradatik ikusi nahi duenak 10 euro ordaindu beharko ditu eta ring-etik ikusi nahi duenak, berriz, 15 euro.