Hernani lehenengo kanporaketaren zain, Zestoa edo Amezketaren aurka jokatzeko

iritsi da, aurten ere, Gi­puzkoako Herriarteko Txa­pel­­keta martxan jartzeko ga­raia. Halaxe azaldu zuen Patxi Jauregi Gi­puz­koako Euskal Pilota Fe­de­ra­zioko lehendakariak herenegun egindako aurkezpenean; eta hori horrela, bertaratutako guztiak zain zeuden zozketari ekin zion Iñaki Galdos Gipuzkoako Foru Al­dun­diko Kiroletako Diputa­tua­ren eta Iñaki Almandoz Ku­txako arduradunaren la­gun­­tzarekin.
Jakina zen bezala, Her­nani final zortzirenetan sartuko da Txapelketan, iaz azpitxapeldun izan bai­tzen, eta lehenengo kanporaketa h­o­rren zain da­go, Zestoa edo Amezketa­ren aurka jokatzeko. Kanpora­keta hori apirilaren 18an edo 25ean jokatuko da eta irabazten duen taldeak aurrez aurre izango du Her­nani, maiatzaren 2an edo 9an.

Iazko talde kopuru bera
Eskuzko modalitateari dago­kio­nez, aurtengoa 25. edizioa da eta iaz bezala, 23 herri izango dira parte hartuko du­tenak. Kopuruan ez da aldaketarik izan, baina bai parte hartzaileen artean; bost herri berrik hartuko dute parte: Alegia, Esko­riatza, Soraluze, Tolosa eta Ama­sa-Villabonak. Iaztik baja di­renak, hau da, aurten parte har­tuko ez dutenak, berriz, ho­na­koak dira: Anoeta, Asteasu, Berastegi, Idiazabal eta Lizar­tza.
Palako Txapelketan ere, iazko kopuru bera mantendu da; 9 talde. Aldaketa bakarra izan da: Deba da partaide berria eta Lazkao baja. Zesta-puntan, berriz, kopuru eta talde berak izango dira lehian: Donostia, Tolosa eta Zumaia.
Iazko txapeldunei dagokienez, eskuz Bergara izan zen txa­pelduna eta Hernani txapeldunordea. Palan, Andoainek ira­bazi zuen eta Oiartzun txapeldunorde izan zen. Eta zesta-puntan Tolosak mendean hartu zuen Zumaia.
Finalak ekainean izango dira. Eskuz, ekainaren 13an izango da. Pelotalekua erabakitzeko dago oraindik. Palakoa ekainaren 19an izango da Za­rauzko Aritzbatalden eta ekainaren 27an, Zesta-puntakoa.