AMNISTIAREN Aldeko Mugimenduak Irekialdia antolatu du datorren ostiraletik larunbatera, Hernanin. Orain arte itxialdia egin duten bezala, hilabete honetan irekialdia egingo du, leku ireki batean egingo dutelako (oraindik ez da zehaztu non). Euskal preso politikoak urte guztiko borrokaldia egiten ari dira, eta borrokaldi horri babesa eta elkartasuna adierazteko egingo dute irekialdia Hernanin.
Manifestazioa larunbatean Donibane Lohitzunen
Irekialdia larunbatean bukatuko da, 14:00etan. Ordu horretan autobusa abiatuko da Hernanitik Donibane Lohitzunera, eta AAMk dei egin du bertara joatera animatzeko. Manifestazioa Jon Anza Kolektiboak deitu du, eta AAMk bat egin du deialdiarekin. Autobusean joateko Garinen apuntatu behar da.