peru Alfaro hernaniarrak Europako triatloi luzea korrituko du, datorren ekainaren 26an Gasteizen. Horretarako, lanak ondo egin behar izan ditu Alfarok; Gran Canariako triatloian hirugarren postua lortu zuen, karrera ikaragarri gogorra egin eta gero.
Igeri 3 km, bizikletan 80 km,
eta korrika 20 km
Arinagan jokatu zen triatloi luzea, Gran Canarian, Europako pasea lortzeko aukera ematen zuena. David Castrok irabazi zuen proba; bigarren Richard Calle izan zen, bi minutura; eta hirugarren Alfaro, bigarrenetik 30 segundura. Aurrean ibili zen proba osoan hernaniarra. Igeriketa proban (3 km) seiko talde bat geratu zen aurrean. Bizikletan hautsi zen karrera, eta Castro eta Alfaro iritsi ziren batera. Korrika Alfarok sufritu egin zuen, eta Castrok eta Callek aurrea hartu zioten.
Europako txapelketa du helburu Alfarok, baina ekaina bitartean egingo ditu beste proba batzuk: maiatzean, Senperen eta Alacanten, esaterako.