Laikotasuna, erlijioen arteko errespetua eta konfesioak izan ziren mahainguruko gai nagusiak

MAHAINGURUA izan zen joan den asteburuan Her­nanin, AMHER elkarteak antolatuta. Mahainguruaren izenburua izan zen Sinismen erlijiosoak, laikotasuna eta el­kar­­bizitza aniztasunean. Ber­tan bildu ziren aurpegi ezagun eta esanguratsu asko: Miguel Gonzalez (Eusko Jaurlari­tzako Inmigrazio zuzendaria), Maya Amrane (Bitar­tekari multikulturala, Mu­sul­mana), Agustin Unzu­rrunzaga (S.O.S Arraza­keriako bozeramailea), eta moderatzaile lanetan aritu zen Aloña Braceras.
Biteriko aretoa goitik behera bete zen, eta AMHER Hernanik adierazitakoaren arabera, oso inte­resgarriak diren hainbat gauza eta datu eman ziren bertan, bai hizlarien aldetik, eta baita bertan bildu zirenen aldetik ere.

Laikotasunak ekarri dituen aurrerapenak
Mahainguruaren bueltan hitz egin ziren gaien artean, garrantzitsuenetako bat izan zen Laikotasuna. Bertan adierazi zutenez, Laiko­ta­sunak aurrerapen haundia ekarri du eremu publikoe­tan, irakaskuntzan eta instituzioetan: «Laiko­tasunak au­rre­rapena dakar demo­kra­ziaren kalitatean, sinesmen erlijiosorik ez baita ezartzen. Horrez gain, languntzen du aurrera egin dezan askatasunaren garapenak, tole­rantziak eta aniztasunean bizitzeak».

Erlijoen arteko errespetua
Mahainguruko beste gai aipagarria izan zen gaur egun erlijoek elkarren artean duten errespetua; eta baita ere, erlijio sinesmenik ez izateari ematen zaion errespetua.

Beste hainbat gai; besteren artean, konfesioak
Aipatutako bi gaiez gain, besteak beste, gai hauetaz ere hitz egin zuten bertan: konfesioek duten balorea, jakinduriari ematen zaion garrantzia, gizartearen ebo­luzioa eta aurrerapen tek­nologikoak.