Gurutz-bidea gaur, Jesusen hil aurreko kalbarioa gogoratzeko

urtero bezala, gaur, Osti­ral Santua izanda, Gurutz-bidea egingo dute hainbat herritarrek Santa Barbaran gora. Plazatik 08:30etan abiatuko dira eta ermitarainoko bidean, Jesusek hil aurretik Golgota mendira egin zuen kalbarioa gogoratuko dute. Gurutz-bidean 14 geldialdi egingo dituzte Jesusek bizitutako pasadizoak gogora­tzeko eta otoitz egiteko. Horrez gain, elizkizunak izango dira, Ereñotzun 09:00e­tan eta San Joan Ba­taia­tzailean 11:00etan. Arra­tsaldean, berriz, Jesusen Pa­sioa ekarriko dute gogora. Ereñotzun 18:00etan, San Joan Bataiatzailean 18:30etan eta Agustinetan 19:00etan. Bihar Pazko Gaubeila eta etzi Meza Nagusiak Bihar eta etzi ere elizkizunak izango dira herriko parrokietan. Bihar arratsaldean, Paz­ko Gaubeila ospatuko dute eta etzi, Pazko Igandean, Aste Santuko egun haundia izango da. Jesus berpiztu iza­na ospatzeko, Meza Na­gu­siak izango dira goizez.