zaharren Egoitza anpliatzeko lanak bukatu dituzte. Atzo zuten azken eguna, ofizialki, lanak bukatzeko, eta hala egin dituzte. Edifizio berriak, 6 pisu ditu, eta hor dijoaz: Zaharren Egoitzako anpliazioa (1, 2, 3 pisuak), Eguneko Zentroa, lau etxebizitza eta 13 apartamendu tutelatu (0, -1,-2 pisuak). Obrak bukatu dituzte. Edifizioa egina dago, baina hutsa. Ekipamenduak falta ditu. Eta badirudi horrek atzeratu egin dezakeela irekitzeko epea. Izan ere, Zaharren Egoitza eta Eguneko Zentroa, konpetentziaz, Diputazioarenak dira, eta ekipamenduak hark jarri beharko lituzke, edo finantziatu.
Zaharren Egoitzak
111 plaza, lehen bezala
Hiru pisu izango ditu Zaharren Egoitza berriak, eta lehengo edifizioarekin lotuta egongo da. Legeak agintzen zuelako egin da anpliazioa, eta plaza kopurua ez da gehituko: orain bezalaxe, 111 plaza izango ditu, bi eraikinetan banatuta.
Plaza gehiago izango dituena Eguneko Zentroa izango da. Lehengo 30 plazak mantendu egingo dira eta beste 20 lagunentzako lekua egin dute edifizio berrian.
13 apartamendu tutelatu egin dituzte: 30 m2koak. Eta etxebizitzak 4 izango dira:
80 m2 ingurukoak.
Diputazioaren zain
Edifizioa ekipatzea falta da, behin betiko irekitzeko, eta badirudi hori atzeratu egin daitekeela pixka bat. Izan ere, konpetentziz, Zaharren Egoitza eta Eguneko Zentroa Diputazioarenak dira, eta oraingoz ez du erantzunik eman. Udal arduradunek diotenez, «lehendik ere Udalak dagokiona baino diru gehiago jarria du, eta orain, Diputazioa da dagokion pausoa eman behar duena».