Harrobia landuz gero, zerbait jaso egiten dela. Landaren iritsi da emaitzak jasotzeko ordua, eta denak batera iristen ari direla ematen du. Lehengo astean jubenilek Euskal Liga irabazi zuten, eta atzo kadeteek gauza bera egin zuten, Getxoren kontra. Lehendabiziko zatian irabazi zuten partidua. Oso ondo jokatu zuten, baloia eskura mugitu zuten, eta entsaioa egiten asmatu egin zuten. Bi entsaio izan ziren (Leonet eta Collado), eta transformazio bat eta zigor golpe bat (biak Becerrak). Bigarren zatian larrixeago ibili ziren, Getxok estutu egin zuelako, baina ez nahikoa hernani hausteko. Jubenilek zein kadeteek Espainiako Txapelketa jokatuko dute orain.
‘Ohorezko’ lidertza
Ohorezko B mailan partidu bakarra falta da denboraldia bukatzeko eta Hernani lider dijoa. Atzo 19-25 irabazi zuten hernaniarrek Eibarren kontra; bonusa lortu zuten, eta orain bigarrena bost puntura dute. Barcelona dijoa bigarren eta gaur partidu zaila du hirugarrenaren kontra.