Epelerrekak arnas gehiago du atzotik.

Zuhaitz Eguna ospatu zuten atzo Hernanin, 37garren aldiz. Aurten Epelerrekako bazterrak biziberritu dituzte haur zein helduek, eta aitzakia ederra izan dute egun pasa egin, eta hamaiketakoa janaz gozatzeko. Haurrak autobusean, eta helduak oinez; guztira, 100 lagunetik gora izan ziren atzo lizarrak, haltzak eta haritzak Epelerrekan landa­tzen. Joxe Legarreta zenaren omenez egiten den egun honetan, ez zuten eguraldiarekin zorte onik izan, eta nahi baino denbora gu­txiago izan zuten lanerako. Dena dela, lehendik ere ez da paraje makala Epelerrekakoa, eta atzoz gero, arnas gehixeago izango du.