Bi partidu erabakigarri gaur, kadete eta senior mailan

Denboraldi hasieran jarritako helburuak betetzeko, ezinbestekoa dute bi errugbi taldeek gaur irabaztea: seniorrek eta kadeteek.

Senior taldeak
azkenaurreneko partidua du
Senior taldeak denboraldiko azkenaurreko paritudua jokatuko du gaur Eibarren kontra. Denboraldi osoan au­rreneko postuan izan dira, eta gaurkoan, mantendu nahi badute, ezinbestekoa dute ira­baztea. Partidua Eibarren jokatuko da, arratsaldeko 18:00­etatik aurrera. Itxura ba­tean, ez da partidu zaila izango hernaniarrentzat, Eibargo taldea nahiko ahul baitabil aurtengo denboraldian.
Bi partidu geratzen dira denboraldia amaitzeko, eta Hernani eta Bartzelona berdinduta daude puntutara; biek 45 dituzte. Hernanik etxean jokatuko du azkena, datorren astean, Getxoren kontra.

Kadeteak Getxoren kontra Zarautzen
Kadeteek Euskal Ligako az­ken partidua izango dute gaur Zarautzen, Getxoren kontra, 11:00etan hasita.
Gaurko partidua irabaziz gero, hernaniarrak Espai­nia­ko txapelketa jokatzeko sailkatuko dira. Rafa Larretxeak adierazitakoaren arabera, badute irabazteko esperan­tza, nahiz eta elkarren kontra jokatu dutenetan oso maila berdintsua erakutsi duten.