«Eskolak oso harrera ona izan zuen ohitura eta eskaera bazegoelako»

Hernaniko Musika Esko­lak mende laurdena betetzen du aur­­tengo ikasturtean, eta ez da ur­teurren makala gero! Dena de­la, Hernani aspalditik egon izan da musikari lotua. Epe motz bat salbu, XX. mende osoan izan dira Musika Banda, Txistulari taldea, Abesbatza eta nolabaiteko Musika Akademia, Gipuz­koa­ko herri askotan ez bezala.  
Musika Eskola nondik eta no­la sortu zen eta egungo egoeraren berri izateko, Joxan Goi­koetxea zuzendariarekin eta Iña­ki Eguren eta Roberto Pa­che­co ikasle ohi, eta egun, ira­kas­leak direnekin bildu da Kro­nika. Eguren, gainera, Musika Es­kolari buruzko liburua egiten ari da eta zenbait datu esanguratsu ekarri ditu gogora.

Musikari lotutako herria
Musika Eskola sortu aurreko garai hartan, Musika Bandako zuzendaria izaten zen Akade­mia zuzentzeaz arduratzen ze­na herri gehienetan; Her­na­niren kasuan, Don Juan Jose Iru­retagoyenak izan zuen ar­dura hori. Akademia hark fun­tzio­natu zuen Hernaniko Udal Musikategia sortu arte, 1985 ur­tera arte. Musikategia, Mu­sika Eskola izatera pasa da ge­rora.
Garai hartaz honakoa kon­tatu dute Musika Eskolako kideek: «Ordu­rako zerbait bazegoen. Don Manuel Yaben aritzen zen akordeoiarekin… Eta eskola sortu aurretik, pare bat urte lehenago ere, hasi ziren Imanol Urbieta, Fernando Ederra-eta, ikastoletan lanean eta gitarrako klaseak ematen. Udaletxea konturatu zen bazegoela mugimendu bat eta lehenengo gauza egin zutena izan zen pianoko irakasle bat kontratatzea. Mon­tserrat Auzmen­di izan zen. 84-85 ikasturtean hasi zen lanean. Don Juan Jose bera jubilazioa pasata zegoen…»
Eta orduan iritsi zen Musika Eskola: «Udale­txeak bazekien beste zerbait egin behar zuela, solfeoa, pianoa, txistua eta akordeoia manten­tzeaz gain. ­Baze­goen apustua kontserbatorio hau egitekoa, hezkuntza ofizial bat, antolatua eta kondiziotan.
Eta 85-86 ikasturtean, guk aurreneko urte bezala kon­ta­tzen dugunean, kontratatu zi­ren irakasle berriak: Juanmari Bel­tran, txistua, dultzaina, alboka, txalaparta irakasteko; Aran­txa Alberdi pianoa emateko; Joxan Goikoetxea akor­deoia; Erra­mun Oiar­tzabal saxofoia; eta Eduardo Lassa­lette biolina. Azken hori ez zen izan aurreneko apustua, baina kontserbatorioa sor­tu nahi zen, hezkun­tza ofiziala lortu nahi zen, eta Do­nostiako kon­tserbatorioak eta legeak eskatzen zuen gu­txie­nez musika sinfonikoko bi adar edu­kitzea. Bigarren ikasturtean, 86-87, trikitixa sartu zen eta Jo­seba Tapia izan zen irakaslea».
Herritarrek eman zuten erantzunaz galdetuta, Musika Eskolak sekulako harrera izan zuela azaldu dute; «izan ere, ohitura eta eskaera bazegoen. Aurreneko urtean ikasleak 200 bat izan ziren eta bigarren urtean jendea etorri zen masan. Aurreneko hamar urteetan, 400 ikasletik gora zeuden. Gero mugatzen joan zen diru eta espazio aldetik eta momentu honetan hor gabil­tza, 500eko mugan».

Aldaketak hezkuntzan
90. hamarkadan, LOGSErekin hezkuntza sisteman aldaketak izan ziren eta baita Musika Es­kolan ere. «Araudi hori me­dio, derrigor instrumentu ba­tekin hasi behar zen edo kantuarekin. Ordura arte solfeoa ikasten zen aurrena, eta jendeak egiten zituen bost bat urte solfeoarekin instrumenturik uki­tu gabe. Lege horrek gauza asko txarrak ekarri zituen be­zala, onak ere ekarri zituen. Eta bat izan zen hori. Bestela zen irakurtzen ikastea hitz egi­ten jakin gabe», azaldu du Egurenek.
Lege aldaketak ere bultzatu zuen talde lana. Eta orain, solfeoan bezalaxe, abesbatzan ari­tzen dira ikasleak. Eta instrumentuak jotzen hasten diren ga­rairako taldetan funtziona­tzen dute. «Gure Musika Esko­lan eta orokorrean, beste musika eskoletako oinarri nagusia di­­ra taldeak», azpimarratu du­te.
«Eskola honetan bazegoen hasieratik hori egin nahia. Ho­rrela, Musika Eskola hasi bazen 85-86 ikasturtean, 87ko San Joa­netan Diana jo­tzen ari ginen es­kolako ikasleak. Eta 24 urtetan hor ibili gara kalean. Azkeneko 3-4 urtetan, kontatu ditugu urtero zenbat alditan ateratzen garen kalera eta 250 bat aldiz atera­t­zen gara. Hori bai ez dudala uste beste inongo musika eskolan egiten dutenik!», dio Egurenek.

3.000 ikasle 25 urtetan
Musika Eskolak egun, 20 ira­kas­le ditu, horietatik hiru ha­sie­­ratik daudenak: Joxan Goikoe­txea, Joan Mari Beltran eta Aran­txa Alberdi. Ikasleak be­rriz, 465 daude. Urtero 40-50 ikasle berri izaten dituzte eta 25 urte hauetan 3.000tik gora ikasle pasa dira Musika Eskolatik. Eskain­tzari dagokionez, 14 mu­sika tresna ikasteko aukera es­kain­tzen du eta oinarrizko ma­teria ere bai, hala nola, hizkun­tza musikala, abesbatza... yy