Buruntzaldean ematen ari den enplegu suntsiketa salatzeko, martxa bihar

Krisiaren eraginez,  Bu­run­­­tzal­dean alarma gorria piztu de­la azaldu zuten atzo pren­tsa­u­rrean Buruntzal­de­ko LABe­­­­­­ko hainbat ordezkarik. Bu­run­tzal­dean enplegu sun­tsiketa sekulakoa izaten ari de­la nabarmendu zuten eta hori salatzeko, martxa antolatu dute bihar, Burun­tzal­dean ba­rre­na.
Datu esanguratsuak aipatu zituzten egoera argitzeko: «Bu­runtzaldean langabetu ko­­­puruak %65,8 egin du gora azken 21 hilabeteetan, langabezia tasa %12,6­ra igoz.  In­dus­­tria mailan jo du eta egoera gogorra da. Orain gainera, zerbitzuetara zabalduko da». Ho­rren aurrean, instituzioek ez dutela ezer egiten salatu zu­ten. «Baina alternatiba ba­dago. Lanaren eta aberastasunaren banaketan oinarritutako alternatiba. Langileok eraiki beharko dugun alternatiba».

Lasarten eragin haundiena; Hernani tartean dago
Daturik esanguratsuenak La­­sarte-Oriakoak direla azpima­rra­tu zuten; «2008ko uztailetik %84, 58 egin du gora langabetu kopuruak, hau da, 720tik 1.329ra, eta langabezia tasa %15ekoa da». Hernaniko egoera tartean dago Burun­tzal­de­ko 6 herrien artetik. Orain, 1.144 langabetu daude; 2008an 762 zeuden, beraz, %50,13 igo da. Langabezia tasa  %13,8koa da.

Kontzentrazioa Hernanin
Enplegua suntsitzearen aurkako martxa Usurbilgo frontoi atze­tik aterako da bihar, 09:00e­tan. Lasarte-Oria pasa on­do­ren, Urnietan bat egingo dute An­doaindik ateratakoekin. Guz­tiak Her­na­nira iritsi eta kon­tzen­trazioa egingo dute 13:00e­tan.