Hiru kofrade berri sagardoaren alde lan egiteko prest

Atzotik hiru kofrade berri ditu Tolarea Gipuzkoako Sa­gardo Naturalaren Kofra­diak sagardoaren alde lan egiteko prest: Maixabel Se­tien Mokoko Maixabel, Esther Esparza aktore eta kazetaria, eta Ricar­do Remiro gazta egilea. Biterin bildutako herritarren aurrean, hirurek gogoz eta esker onez egin zuten zin beti defendatuko dutela sagardoa.
Esparzak, gainera, herrien ar­­­­te­ko elkartasuna izan zuen aho­­tan: «Tafallan, nire jaiote­rri­an, ez dugu sagardorik, bai or­dea ardoa. Biak maite ditut, Gi­puzkoa eta Nafarroa bezala. Os­pa dezagun gaur, gure herrien elkartasuna».

Ozenki Abesbatzaren saioa,
ekitaldia borobiltzeko
Sagardoarekin eztarria goxa­tzeaz gain, belarriak goxatzeko aukera ere izan zen Ozenki Abesbatzaren eskutik. Hiru abesti eskaini zituzten, eta benetan saio ederra izan zelaren adierazle, amaie­ran jasotako txalo zaparrada.

21 kofradia
Urtero bezala, atzokoan ere, Euskal Herritik eta urrutiagotik etorritako kofradiako or­dez­­ka­riak izan ziren Her­na­nin. Izen­datze ekitaldiaren aurretik, he­rrian barrena ibili ziren txistulariek lagunduta: Ordiziako gaz­ta, Senpereko amuarraina, Fran­­­tziako montillona,  Saka­na­­­­ko txistorra, Lan­detako pa­tea... On­do­ren, guztiak Larre-Gai­nera joan ziren bazkaltzera.