Yone Boutiquek 7-2 galdu zuen ostegunean

Yone Boutiquek ostegunean jokatu zuen aste honetako partidua eta 7-2 galdu zuen Zaldibiko Tellatuberri taldearen aurka. Hernaniarrek ez zuten joko onik egin eta partidutik kanpo egon ziren. Lehenengo minuturako 1-0 galtzen hasi ziren eta atsedenaren aurretik, 2-0ekoa iritsi zen. Bigarren zatia hobeto hasi bazuten ere, 2-1ean jarriz markagailua, segituan iritsi zen 3-1ekoa. Partidua bukatzeko 14 minutu falta zirenean hernaniarrek gola sartu zuten 3-2, eta berdintzeko aukera ikusten zenean, 4-2koa iritsi zen. Horren atzetik arbitroak penalti bat pitatu zuen kontra, eta 5-2 jarri ziren zaldibiarrak. Herna­nia­­rrak desesperatuta eta jokotik kanpo zeudela, azken minutuan azken bi golak iritsi ziren.