‘Mokoko Maixabel’ omenduko dute, 50 urtetan egindako lanaren errekonozimendu

Zazpi anai-arrebetan zaha­rrena izanda, oso gazte hasi zen etxeko eta baserriko lane­tan bere gurasoei laguntzen Mª Isabel Setien, edo Herna­nin ezaguna den bezala, Mo­koko Maixabel. Hamabost ur­te zituela hasi zen bere ama ze­na Mikaelarekin Hernaniko Udaletxeko arkupetan baraz­ki sal­mentan, eta kale ezber­di­netan barrena, behi esne bana­ketan. Egunero egunero orain­dik bertan ikusi deza­kegu berdura saltzen, nahiz euria, hotza edo elurra egin. Eta horrela, mende erdia, erraz esaten da! Hori horrela, urte guzti hauetan egindako lanaren erre­konozimendu gisa, Tola­rea Gi­puz­koako Sa­gar­do Natura­laren Kofra­diak bera izen­da­tu­ko du gaur ohorezko kofrade. Lotsa pixka bat ematen dion arren, oso pozik hartuko duela titulu hori azaldu dio Kroni­kari. Maixa­belez gain, Esther Esparza Tafallako kazetari eta aktorea eta Ricardo Remiro Eulateko artzain eta gazta egilea omenduko dituzte. 13:00etan izango da Biterin.

«Lehen metrotik metrora baserritarren bat izaten zen»
Maixabelek bere baserrian, Urnietako Gurutzeta base­rrian ekoiztutako barazkiak saltzen ditu, garaian-garai­koak eta baita loreak ere. Eta baratzeko zeregin horretan ere aritzen da, ez omen da-eta etxean egotekoa. Dena dela, Joseba semeak eta Maite errai­naren laguntza ere ba­due­la azaldu du. Hirurak nekazaritzatik bizi dira, ekoitzitakoa Hernanin salduz eta sobratzen zaiena almaze­netara bidalita. 50 urte hauetan, plazako sal­men­tak izan duen aldake­ten testigu izan da Maixabel eta honakoa azaldu dio Kro­nikari: «lehen arkupetan me­tro­tik metrora baten bat izaten zen esnea edo berdura saltzen, orain gu bakarrik gaude eta larun­batetan beste bat. Garai hartan gainera, astoz etortzen ginen eta gogoratzen dut Atzietan asto pila bat izaten zirela». 68an karneta atera eta ordutik kotxez etortzen da Mai­xabel, baita negurik go­go­rrenean ere; aurtengoan esa­te­rako. «Gainera, beran­du­tzen bagara-edo, jendea kez­katu egiten da», azaldu du. 50 urte pasa dira eta egoera as­ko aldatu den arren, orain­dik gogoz etortzen da Herna­nira Mokoko Maixabel eta hala jarraitzeko asmoa du.

Zergatik Mokoko Maixabel?
Hernanin, Mokoko Maixabel be­zala da ezaguna, baina Mai­xa­bel Gurutzeta baserrikoa da; zer­gatik, orduan? «Aitona ze­na Ur­nie­tako Moko baserrikoa zen eta sagardoa egiten zuen. Her­nanin Miel de Moko bezala ezagutzen zen, eta nahiz eta ni Gurutzeta baserrian jaio, gure familia hernaniarrentzat Mo­kokoa da. Urnietan berriz, ez, Moko baserria beste familia ba­tena baita egun», argitu du.