Jubenilak Euskal Ligako Txapeldunak

Euskal Ligako finala jokatu zen atzo jubenil mailan eta Her­nanik lortu zuen garaipena Getxori 11-5 irabazita. Her­naniarrek urduri xamar eta tentsioarekin jokatu zuten eta partidu parekatua izan zen.
Lehenengo zatia 3-0 bukatu zen markagailua Herna­niren alde izanda, kastigu kolpe bat medio. Bigarren zatian, hasiera-hasieratik Hernanik jarraitu zuen aurretik, entsaio bat eginda eta beste kastigu kolpe batekin, 11-0. Eta partiduaren amaiera aldera, Getxok aldea gutxi­tzea lortu zuen entsaio bat egin eta markagailua 11-5 utzita. Emaitza horren ondorio: hernaniarrak Euskal Liga­ko txapeldunak.
Zehazki, honakoak dira jubenil mailan Euskal Ligako txapeldunak: Urdangarin I (Kor­tajarena), Jauregi, Meaza, Molano, Arana, Burutaran, Otxo­terena, Aranburu, Zuma­labe, Zabaleta, Agirrezabala (Leonet), Galdeano, Mujika, Silguero eta Otaegi. Baita ere deialdian sartu dira: Becerra, Ur­dangarin II, Alberdi, Me­nen­dez, Uzkudun, Arrondo eta Amondarain.

Seniorrak Urrezko Kopan laugarren
Seniorrek Urrezko Kopako azken partidua jokatu zuten atzo Ordiziaren aurka eta 12-31 galduta, laugarren geratu dira txapelketan.