Zaborrak biltzeko eta kudeatzeko sistemei buruz zer uste dute udal alderdiek?

GOBERNU TALDEA

Hondakinak kudeatzeko sistema egokiena da gutxien sortu eta gehien birziklatzen duena. Bilketari dagokionez Gipuz­koan badago baloratu beharreko beste elementu bat, atez atekoa da errauste planta alperrekoa egiten duen bilketa modu bakarra. Edukiontzi za­harrak kalean utzita baliabideak alperrik galtzen ari gara, edukiontzira botatzen de­nak zabortegian amaitzen duelako. Edukion­tziak kalean man­ten­tzen baditugu, izan lau, izan bost, errauste plantan ba­lia­bide preziatuak deusezta­tzen eta herritarren osasuna arris­kutan jartzen amai­tuko dugu. Ho­rre­gatik har­tu du Her­­na­ni­ko Udalak kaletik edu­­­­kion­tziak kentzeko eta atez ate­ko bilketa egiteko erabakia, atez atekoa delako he­rri­ta­rren osasuna arriskutik kan­po uzten duen sistema ba­karra.
Atez ateko bilketak erraustegiak baino errefusa gutxiago sortzen du. Gezurra da be­raz erraustegiarekin za­bor­tegiak itxiko direnik. Erraus­te­giak za­bortegi handi bat beharko du, errauts eta zepa toxikoak jaso­tzeko. Diputa­zioa hori ez­kuta­tzen ari da. Zabaltzen ari den beste gezurra da atez atekoarekin zabortegiak beharrezkoak di­rela. USURBILGO ITUNAK dioen moduan, errau­s­te-programan 6 urteko moratoria lortuko ba­genu, eta bitartean Gi­puzkoa mailako ZERO ZABOR programa mar­txan jarriko ba­ge­nu, posible izango genuke 2020­­rako Gi­puz­­koan zaborrik batere ez sortzea.

PSE-EE

Hernaniko sozialistok de­fen­­datzen dugu, zabor organikoa, gure etxeetan sortzen du­gu­na, modu separatuan bil­tzea, horrekin konposta egin, eta ondoren, gure parke eta jardinetan erabiltzeko. Ho­rrela, zaborraren parte bat, berriz erabiliko genuke, eta ez genuke zabortegira edo erraus­tegira eraman beharrik izango.
Sinisten dugu, materia or­ga­nikoak beste ziklo batean sartu behar duela, eta gure apustua da industria plantak sortzea konpostatzeko eta bio­me­tanizaziorako, Gipuz­koa­ko eskualdeetan. Hor zaborra tratatuko litzateke, etekin energetiko ahalik eta haundiena ate­ra­tzeko.
Zaborrak kudeatzeko ga­raian, jauzi berria bat litzateke hori, eta horrela prozesu bat bukatu egingo genuke, orain dela urte batzuk hasi zen prozesu bat, kontenedoreak jarri zirenean papera, ontziak eta beira bereizita jasotzeko.
Europan gehien ikusten den jokatzeko modua hori da, eta horrekin saihestuko genuke zaborraren zatirik haundiena zabortegira botatzea edo erretzea, eta bestalde, aprobetxatu eta balio erantsi bat emango genioke.
Gobernu taldeak ezarri nahi duen Atez Ateko bilketa garestiago aterako zaigu herritar guz­tioi. Udalak langileri karga haundia hartu beharko du be­re­gain, eta alde batera utziko ditu bere garaian egin zituen lur azpiko kontenedoreak, za­borretara boteaz 150.000 €-tik gora, lurperatze lanetan gastatu ditugunak.

EAJ-PNV

Kudeatzea da, biltzea eta tratatzea. Biltzeko bosgarren kontenedorean sinesten dut, herritarren erosotasunagatik, kostuagatik, eta lortu daitezkeen emaitza exijenteenengatik. Tratamenduari dagokionez, kon­bentzituta gaude konpostatu egin behar dela, berrerabili, birziklatu, eta azken kondarrak erre. Hori bai, ho­rre­tarako azken generazioko teknologia erabilita.
Zaborrak bildu behar dira beharrezkoa den egunetan, modu mekanikoan, eta herritarren eta dendarien beharretara egokitutako sistema baten bi­tartez. Adierazi nahi dut, agin­tarien proposamenek, gi­zarte demokratiko ba­tean, he­rritarren bizi-baldin­tzak hobe­tzea bilatu behar dutela, eta oker­tzea.
Gure jarrera garbi dago: erre beharreko zatia ahalik eta txikiena izatea, eta Eu­ro­pa­ko Di­rektibak betetzea, za­bor­te­giak ixtera behartzen gaituztenak.

HAMAIKABAT

Zaborren kudeaketak oso­ko sistema bat behar du. Gu San Marko Manko­muni­ta­teak onar­tu zuen Hiri Hon­dakinen Kudeaketarako Plan Integra­la­ren (HHKPI) aldekoak gara. Gainera, gaur mahai gainean daukagun plan integral bakarra da, nahiz eta San Marko Manko­muni­ta­tean beste gehi­engo bat egon.  Batzuentzat za­borren arazoa bilketa sistema batekin konpon daiteke, eta hori demagogia hutsa da. Bilketa sistema batek ez du arazoa konpon­tzen, horregatik ari dira orain, atez ateko sistema zaleak, moratoria es­katzen. Beraiek martxan jarritako bilketa sistemak ez baitio benetako problemari aurre egiten.
Azken hogeita hamar ur­te­tik hona hiritarren kon­tzien­tziazioa guztiz aldatu da. Bide horretatik joan behar dugu. Gainera, beste pauso bat ematea beharrezkoa ikusten dugu, organikoaren bilketa, hain zu­zen. Oraingo gaikako bilketari organikoa gehi­tzen badiogu, 5. kontenedorea, au­rre­ra­pauso ikaragarria lortuko ge­nu­ke birziklaketa mailetan.
Zaborrak erantzun integrala behar du, eta guk berzikla­tzen edo berrerabili ezin dai­­­­tezkeen zaborrekin San Mar­­ko Man­ko­munitateak onar­­­­tutako HHKPI aurrikusten duenarekin bat egiten de­gu. Beste ba­tzuk, ordea, zabor horren aurrean ´moratoria` eskatzen dute, zaborrekin zer egin ez dakitenaren seinale.

EB-Berdeak / Aralar

Hondakinak kudeatzeko sis­temarik onena zein den galdetzen digutenean, lehendabizi hiru hitz etortzen zaizkigu: gutxitu, berrerabili eta birziklatu. Guk hitz batzuk gehiago erantsiko dizkiogu: konpostatu eta ez kontaminatu.
Hori mundu guztiak onartzen du, gaur egun, jaso dugun kultura jasota, inork ez du hori ukatzen. Baina galdera honakoa da: sistema guztiek funtzionatzen al dute?
Erantzuna; funtzionatu de­­nek egiten dute, baina emaitza oso ezberdinak dituzte.
Gure proposamena; jatorrian bereizi, Atez Ate bildu, kon­postatu, birziklatzen ez de­na Biometanizatu, materia iner­tea konpaktatu eta inerte guztia biltzen den moduan bildu. Material horrek ez du isuririk, eta ez du gas toxikorik, eta hori da gaur egungo zabortegietan arazoak eta molestiak sortzen dituena. Gainera, bolumena hamarretik batera jaitsiko litzateke. Material horrek ez luke erraustegiak duen hondakin arriskutsurik sortuko.

PP

Hernanirentzat, sistemarik onena 5 kontendorekoa da. Zergatik? Arrazoi hauengatik:
a) Bilketa sistema guztiek zerbait egin behar dute bil­tzen dutenarekin. Atez Atekoak,
5. kontenedoreak bezala, konpostatu, birziklatu eta erre egin behar du, ez du beste erremediorik. Eta gainera, konposta beharrik ia ez dago Gipuzkoan, beraz, ezingo da konpost ge­hi­ena enpleatu.
b) Gipuzkoako zortzi mankomunitatetik seik, 5. kontenedorearen alde egin dute. Beste bi horien artean dago San Marko; eta San Markon Her­na­ni. San Markok oraindik ez du erabaki zein sistemaren alde egingo duen. Zer egin behar du Hernanik?  Erabaki beharra dauka Man­komunitatean segi edo aldegin.
c) Herritarrek behar dute sistema bat, egunero zaborrak ateratzen utziko diena; eta behartuko ez dituena zaborrak etxean pilatuta edukitzera. Sistema flexible bat behar da, eta ez sistema gogor bat.  
d) Birziklatzen ez diren materialak erre egin behar dira. Entzuten dugu, Atez Atekoak ez duela erraustegiaren beharrik, baina ez dute esaten nola erremediatuko duten.