Eskualdeko 60 langile inguruk manifestazioa egin zuten atzo Hernanin, konbenioa eskatzeko

«Hemen gaude konbenioa­ren alde!», oihu eginez, Jan­geletako langileak borro­kan! Auzolagun De­legaritza errudu­nak! pankarta eskutan, Herna­niko kaleetan barrena, ikas­tetxe publikoetako jange­le­tako 60 langile inguruk mani­fes­tazioa egin zuten atzo. LAB-ELA-UGT-CCOO sin­di­ka­tuek deituta, martxoaren 9tik, as­tean bi egunez, greba egiten ari dira, eta atzo, greba eguna izateaz gain, eskualdeko lan­gi­leek manifestazioak egin zi­tuz­ten. Grebaren erantzuna %91koa izan zen Gipuzkoan. Hernaniri dagokionez, Lan­gi­len %100ekoa izan zen, Uru­me­an 20 langiletik 5ek egin zu­ten greba eta Elizatxon, 15etik 4k.

Aldaketarik egon ezean, hurrengo greba 24an
LABeko Maribel Al­ber­dik asteartean Patronalarekin izan­­dako bileraren berri eman zuen manifestazioaren ondoren, eta azaldu zuen, ez dutela akor­diorik lortu, baina Patro­nala proposamen idatzi bat bidaltzekotan geratu dela eta proposamen hori aztertuta, astelehenean berriro bilduko direla. Gaineratu zuen: «Uste dugu urtebete baino gehia­go­tik eskatzen ari garen nego­ziaziora iristeko aukera bada­goela, baina oraindik ez da gatazka bukatzeko behar den akordiorik lortu». Eskatzen duten jarrera aldaketa lehen­bailehen iristea espero dutela azaldu zuen eta horrekin, konbenioa. «Kolek­tiboaren hel­burua egoera dis­krimina­tzaile honekin amai­tzea eta  kon­be­nio berria lor­tzea da. Kon­benio horrek gure eskubideak eta bete­beharrak onartu ditzala eta auke­ra eman dezala jange­le­tan zerbitzu hobea eskain­tze­ko».
Jarrera aldaketarik egon ezean, jarrita dauden hurren­go grebetan parte hartu beha­rra izango dutela azaldu dute, hau da, martxoaren 24an.